A- A A+
«Ақмола облысының кәсіпкерлік және өнеркәсіп басқармасы» ММ
Қаз | Рус | Eng
Нәтижелi жұмыспен қамтуды және жаппай кәсiпкерлiктi дамытудың 2017-2021 жылдарға арналған бағдарламасы

Нәтижелi жұмыспен қамтуды және жаппай кәсiпкерлiктi дамытудың
2017 — 2021 жылдарға арналған бағдарламасы

Екiншi бағыт: жаппай кәсiпкерлiктi дамыту

Бағдарламаның екiншi бағыты мынадай мiндеттердi iске асыруды көздейдi:

1) «Бастау Бизнес» жобасы бойынша кәсiпкерлiк негiздерiне оқыту;

2) кәсiпкерлiк бастамаларды қолдау;

3) қалалар мен ауылдарда микрокредиттерге кепiлдiк беру.

«Бастау Бизнес» жобасын iске асыру және қалаларда микрокредит беру мәселелерi бойынша — Қазақстан Республикасының Ұлттық экономика министрлiгi және ауылдар мен шағын қалаларда 2018 жылдан бастап «Бастау Бизнес» жобасын iске асыру және микрокредит беру мәселелерi бойынша — Қазақстан Республикасының Ауыл шаруашылығы министрлiгi Бағдарламаның екiншi бағытының операторлары болып табылады.

«Бастау Бизнес» жобасы бойынша кәсiпкерлiк негiздерiне оқыту

«Бастау Бизнес» жобасы Бағдарламаға қатысушыларды кәсiпкерлiк дағдыларына оқытуға, оның iшiнде ауыл шаруашылығы кооперативтерiн қалыптастыру қағидаттарына, сондай-ақ олардың бизнес жобаларын сүйемелдеуге бағытталған.

Халықты жұмыспен қамту орталықтарында тiркелуiне қарамастан жұмыссыздар және кәсiпкерлiк әлеуетi бар және ауылдық елдi мекендер мен аудан орталықтарында тұратын өзiн-өзi жұмыспен қамтыған адамдар «Бастау Бизнес» жобасы бойынша кәсiпкерлiк негiздерiне оқытуға қатысушылар болып табылады.

«Бастау Бизнес» жобасы бойынша кәсiпкерлiк негiздерiне оқудан өтетiн Бағдарламаға қатысушылар оқу ақысын және стипендия төлеу бойынша мемлекеттiк қолдаумен қамтамасыз етiледi.

Оқу процесiнде Бағдарламаға қатысушыларға кәсiпкерлiктi жүргiзу үшiн идеялар мен кәсiпкерлiк қызмет негiздерi бойынша құрылымдалған бiлiм ұсынылады.

Қатысушылар кәсiпкерлiктi қаржылай қолдау шаралары туралы хабардар етiледi.

Әлеуеттi қатысушыларды хабардар ету мақсатында қаржылай емес қолдау операторы базасында арнайы Call-орталық қызмет етедi.

«Бастау Бизнес» жобасы бойынша кәсiпкерлiк негiздерiне оқыту мынадай кезеңдерден тұрады:

1) тестiлеу;

2) бизнес-менторлық қағидаты бойынша топтарда практикалық оқу және дербес консультация беру;

3) бизнес-жобаны қорғауға (презентацияға) дайындық;

4) 12 айға дейiнгi мерзiмде бизнес-жобаны iске асыруды сүйемелдеу.

Оқу процесiнiң жалпы ұзақтығы күнтiзбелiк 30 күннен аспайды.

Оқу процесi мiндеттi түрде дербес консультацияларды, сондай-ақ қаржыландыру тұрғысынан жобаны қорғау мақсатында көпшiлiк алдында сөз сөйлеу дағдылары бойынша тренингтердi қамтиды.

Оқу қорытындысы бойынша «Бастау Бизнес» жобасында оқуға қатысқаны туралы сертификат (сабақтарға жүйелi түрде бармаған кезде) және оқуды аяқтағаны туралы сертификат (бизнес-жоспарларды қорғау кезеңiне жiберiлгендер үшiн) берiледi.

Қаржылай емес қолдау операторы «Бастау Бизнес» жобасына қатысушының микрокредит алуға арналған өтiнiмiн қарау туралы микроқаржы ұйымы және/немесе кредиттiк серiктестiк және/немесе «АШҚҚҚ» АҚ және/немесе екiншi деңгейдегi банк алдында қолдау бiлдiредi.

Бизнес-жобаны iске асыруды сүйемелдеу бизнес-жобаны iске асыру кезеңiнде консультациялық қолдау көрсетуге бағытталған.

Қаржылай емес қолдау операторы жыл сайын ақпанның 10-күнiне дейiнгi мерзiмде кәсiпкерлiк мәселелерi жөнiндегi жергiлiктi атқарушы органдармен келiсу бойынша оқу және тестiлеу өткiзiлетiн күнi мен орнын, оның кезеңi мен өтiнiмдер беру мерзiмдерiн көрсете отырып, тоқсан сайын түзету енгiзу мүмкiндiгiмен оқытуды өткiзу графигiн жасайды.

Оқыту графигi бұқаралық ақпарат құралдарында және қаржылай емес қолдау операторының интернет-ресурсына орналастырылуға тиiс.

Қаржылай емес қолдау операторы оқыту басталғанға дейiн тыңдаушылардың әрбiр тобы бойынша бизнес-тренерлердiң (тәлiмгерлердiң) болуын қамтамасыз етедi.

«Бастау Бизнес» жобасы бойынша кәсiпкерлiк негiздерiне оқытуды iске асыру тетiгi:

1) оқуға үмiткерлер «Бастау Бизнес» жобасы бойынша оқыту мәселелерi жөнiнде консультация алу үшiн өңiрлiк кәсiпкерлер палатасының (ӨКП) аудандық филиалдарына/халықты жұмыспен қамту орталықтарына/ауылдық округтiң немесе елдi мекеннiң әкiмiне қатысуға өтiнiшпен жүгiнедi және тiзбесi «Бастау Бизнес» жобасы бойынша кәсiпкерлiк негiздерiне оқыту қағидаларында көзделген құжаттарды тапсырады;

2) ӨКП-ның аудандық филиалы/ауылдық округтiң немесе елдi мекеннiң әкiмi үмiткерлердiң құжаттары мен өтiнiштерiн халықты жұмыспен қамту орталықтарына бередi;

3) халықты жұмыспен қамту орталықтары үмiткерлердiң тiзiмiн «Бастау Бизнес» жобасының нысаналы тобына сәйкес келуi тұрғысынан тексерудi жүзеге асырады және үмiткерлердiң тiзiмiн ӨКП-нiң аудандық филиалына ұсынады;

4) қаржылай емес қолдау операторы үмiткерлерге тестiлеу жүргiзiп, оқитын адамдардың топтарын қалыптастырады және нәтижелерi бойынша кәсiпкерлiк мәселелерi жөнiндегi уәкiлеттi орган бекiтетiн «Бастау Бизнес» жобасы бойынша кәсiпкерлiк негiздерiне оқыту қағидаларына сәйкес белгiленген нысан бойынша сәйкес халықты жұмыспен қамту орталықтарын хабардар етедi;

5) тестiлеуден өткен және оқуға жiберiлген үмiткерлер «Бастау Бизнес» жобасына сәйкес оқуды жалғастырады. Тестiлеуден өтпеген үмiткерлерге Бағдарламаның бiрiншi бағыты немесе басқа бағдарламалар шеңберiнде кәсiпкерлiк негiздерiне оқыту курстарынан не қысқа мерзiмдi кәсiптiк оқудан өту ұсынылады.

«Бастау Бизнес» жобасын қаржыландыру Бағдарламаның екiншi бағытының операторы мен қаржылай емес қолдау операторының арасында тиiстi шарт жасау жолымен республикалық бюджет қаражаты есебiнен жүзеге асырылады.

ӨКП ай сайын, есептi айдан кейiнгi айдың 2-күнiне қарай кәсiпкерлiк мәселелерi жөнiндегi жергiлiктi атқарушы органдарға (2018 жылдан бастап ауыл шаруашылығы мәселелерi жөнiндегi жергiлiктi атқарушы органдарға) кәсiпкерлiк мәселелерi жөнiндегi уәкiлеттi орган бекiтетiн «Бастау Бизнес» жобасы бойынша кәсiпкерлiк негiздерiне оқыту қағидаларына сәйкес белгiленген нысан бойынша мынадай:

1) оқуға жiберiлгендердiң;

2) оқуын аяқтағандардың;

3) жеке iсiн ашқандардың;

4) микрокредит алғандардың саны туралы ақпаратты ұсынады.

«Бастау Бизнес» жобасы бойынша кәсiпкерлiк негiздерiне оқыту тәртiбi кәсiпкерлiк мәселелерi жөнiндегi уәкiлеттi орган бекiтетiн «Бастау Бизнес» жобасы бойынша кәсiпкерлiк негiздерiне оқыту қағидаларында айқындалады.

Кәсiпкерлiк бастамаларды қолдау

Микрокредиттер ауылдық елдi мекендерде, шағын қалаларда және қалаларда бизнес-жобаларды iске асыратын немесе iске асыруды жоспарлайтын Бағдарламаға қатысушыларға ұсынылады.

Халықты жұмыспен қамту орталықтарында тiркелуiне қарамастан жұмыссыздар мен кәсiпкерлiк әлеуетi бар өзiн-өзi жұмыспен қамтыған адамдар мен ауыл шаруашылығы кооперативтерi және олардың мүшелерi Бағдарламаға қатысушылар болып табылады.

Бағдарламаға қатысушының микрокредит алуы үшiн мiндеттi шарт салық заңнамасына сәйкес оның салық органдарында тiркелуi болып табылады.

Микрокредиттер:

1) ауылдық елдi мекендерде (олардың әкiмшiлiк бағыныстылығына қарамастан) және шағын қалаларда микробизнестi ашу, жұмыс iстеп тұрған бизнестi кеңейту, ауыл шаруашылығы кооперативтерiн ашу үшiн;

2) қалаларда (шағын қалалардан басқа) жаңа микрокәсiпорындар құру, жұмыс iстеп тұрған бизнестi кеңейту үшiн ұсынылады.

Микробизнестi ашу үшiн микрокредиттер «Бастау Бизнес» жобасы шеңберiнде кәсiпкерлiк негiздерiне немесе Бағдарламаның бiрiншi бағыты шеңберiнде кәсiпкерлiк негiздерiне оқыту курстарынан өткеннен кейiн не соңғы екi жыл iшiнде басқа бағдарламалар шеңберiнде кәсiпкерлiк негiздерiне оқыту курстарынан өткендiгi туралы сертификаты бар болса берiледi.

Микрокредит жұмыс iстеп тұрған бизнестi кеңейту және ауыл шаруашылығы кооперативтерiн құру үшiн жаңа тұрақты жұмыс орындарын құру шартымен ұсынылады.

Микрокредиттер басымды тәртiппен кәсiпкерлiктi дамытудың өңiрлiк карталарына сәйкес iске асырылатын жобаларға ұсынылады. Облыстық деңгейдегi жергiлiктi атқарушы органдар ӨКП-мен бiрлесiп жыл сайын 20 ақпанға дейiн аудандарды және елдi мекендердi өңiрлiк мамандандыру картасын әзiрлеп, оны агроөнеркәсiптiк кешендi дамыту саласындағы уәкiлеттi органмен келiседi және оны микроқаржы ұйымдарына (МҚҰ)/екiншi деңгейдегi банктерге (ЕДБ)/кредиттiк серiктестiктерге (КС)/ «АШҚҚҚ» АҚ-ға/ «ҚазАгрокепiл» АҚ-ға ұсынады.

Микрокредиттер ауылдық елдi мекендерде (олардың әкiмшiлiк бағыныстылығына қарамастан) және шағын қалаларда «АШҚҚҚ» АҚ, сондай-ақ МҚҰ және қорландыру «Аграрлық кредиттiк корпорация» АҚ арқылы жүргiзiлетiн кредиттiк серiктестiктер арқылы ұсынылады.

Микрокредиттер қалаларда екiншi деңгейдегi банктер (ЕДБ), қорландыру «Даму» КДҚ» АҚ арқылы жүзеге асырылатын микроқаржы ұйымдары арқылы ұсынылады.

Бағдарламаға қатысушыларға микрокредит беру мақсатында жергiлiктi атқарушы органдарға мынадай шарттарда бюджеттiк кредит ұсынылады:

1) қайтарымдылық, мерзiмдiлiк және ақылылық қағидаттарында 0,01 % жылдық сыйақы мөлшерлемесiмен 7 жылға;

2) бюджеттiк кредиттiң нысаналы мақсаты — Бағдарлама шеңберiнде бизнес-жобаларға микрокредит беру.

Микрокредит тұтынушылық мақсаттарға, бұрынғы қарызды өтеуге, жылжымайтын тұрғын үй сатып алуға және салуға, жер учаскелерiн сатып алуға, акциздiк өнiм өндiруге берiлмейдi.

Микрокредит беру ұйымының және «АШҚҚҚ» АҚ қатысуын жергiлiктi атқарушы органдар өз бетiнше айқындайды, бiр облыста екi микрокредит беру ұйымы және «АШҚҚҚ» АҚ бiр уақытта қатысуы мүмкiн.

Кәсiпкерлiк және ауыл шаруашылығы мәселелерi жөнiндегi жергiлiктi атқарушы органдар микрокредит беру ұйымдарына және «АШҚҚҚ» АҚ-ға қарыз шарттары бойынша бюджеттiк кредит қаражатын ұсынады.

Микрокредит беру ұйымдарына және «АШҚҚҚ» АҚ-ға қарыз ұсыну шарттары:

1) кредит беру мерзiмi — 7 жылдан аспайды;

2) сыйақы мөлшерлемесi — жылдық 0,01 %;

3) игеру кезеңi — 12 ай;

4) нысаналы мақсаты — Бағдарлама шеңберiндегi бизнес-жобаларға кредит беру/микрокредит беру, Бағдарлама шеңберiндегi бизнес-жобаларға кредит беру/микрокредит беру үшiн МҚҰ/КС/ЕДБ-ны қорландыру.

МҚҰ/КС/ЕДБ-ны қорландыру шарттары:

1) қорландыру мерзiмдiлiк, қайтарымдылық, ақылылық, мақсатты пайдалану және қамтамасыз етiлу шарттарында не қаржылық тұрақты микроқаржы ұйымдары, кредиттiк серiктестiктер мен екiншi деңгейдегi банктер үшiн қамтамасыз етiлмей жүзеге асырылады;

2) кредит беру мерзiмi — 7 жылға дейiн;

3) сыйақының номиналды мөлшерлемесi — «Даму» КДҚ» АҚ үшiн жылдық 1 %-ға дейiн және «Аграрлық кредиттiк корпорация» АҚ үшiн жылдық 2%-ға дейiн;

4) игеру кезеңi — бюджеттiк кредиттi алған кезден бастап 12 ай;

5) нысаналы мақсаты — Бағдарлама шеңберiнде бизнес-жобаларға кредит беру/микрокредит беру.

Микрокредит беру ұйымдарына/екiншi деңгейдегi банктерге/микроқаржы ұйымдарына/кредиттiк серiктестiктерге/«АШҚҚҚ» АҚ-ға негiзгi қарызды өтеу бойынша кредит беру мерзiмi ұзақтығының үштен бiр бөлiгiнен аспайтын мерзiмге жеңiлдiктi кезең ұсынылады.

Бағдарламаға қатысушыларға микрокредит беру шарттары:

1) микрокредит мерзiмi — 5 жылға дейiн, мал шаруашылығы саласындағы жобалар және ауыл шаруашылығы кооперативтерiн құру үшiн — 7 жылға дейiн;

2) микрокредиттiң ең жоғары сомасы — 8 мың АЕК-ке дейiн;

3) жылдық тиiмдi сыйақы мөлшерлемесi — жылдық 6 %-дан аспайды;

4) ЕДБ/МҚҰ/КС/«АШҚҚҚ» АҚ-ға қандай да бiр комиссияларды, жинақтарды және/немесе дара кәсiпкер қарыз/микрокредит бойынша мiндеттемелерiн бұзу себебiмен алынатын төлемдердi қоспағанда, дара кәсiпкерлердiң қарызымен/микрокредитiмен байланысты төлемдердi алуға тыйым салынады, бұл ретте мұндай комиссиялардың, жинақтардың және/немесе өзге де төлемдердiң мөлшерi «АШҚҚҚ» АҚ қоспағанда, кредит беру ұйымдарымен алдын ала жазбаша келiсiлуге тиiс;

5) ауылдық елдi мекендерде (олардың әкiмшiлiк бағыныстылығына қарамастан) және шағын қалаларда микрокредит/кредит Қазақстан Республикасының Кәсiпкерлiк кодексiне сәйкес айқындалатын орта және iрi кәсiпорындар субъектiлерiне берiлмейдi;

6) негiзгi қарызды өтеу бойынша жеңiлдiктi кезеңдi және кредитордың шешiмi бойынша микрокредит беру мерзiмiнiң ұзақтығы үштен бiр бөлiктен аспайтын мерзiмде сыйақы алу мүмкiндiгi;

7) МҚҰ/КС/ЕДБ/«АШҚҚҚ» АҚ және Бағдарламаға қатысушы арасындағы шарттарда iсiн жаңа бастаған кәсiпкерлердiң жобаларын қоспағанда, мiндеттi түрде жаңа жұмыс орындарын құру бойынша шарт көрсетiледi;

8) агроөнеркәсiптiк кешендi дамыту саласындағы уәкiлеттi орган бекiтетiн Шағын қалаларда және ауылдық елдi мекендерде кредит беру/микрокредит беру қағидаларына сәйкес қарыздың мерзiмдерi мен сомалары Бағдарламаға қатысушы қызметiнiң бағыттарына сәйкес айқындалады;

9) бұрын берiлген кредиттiк ресурстар бойынша соңғы қарыз алушылар қайтарған қаражаттардың есебiнен қайта кредит беруге/микрокредит беруге жол берiледi.

Қалаларда кредиттер/микрокредиттер ұсыну тәртiбi кәсiпкерлiк мәселелерi жөнiндегi уәкiлеттi орган бекiтетiн Қалаларда кредит беру/микрокредит беру қағидаларында айқындалады.

Ауылдық елдi мекендерде және шағын қалаларда кредит/микрокредит ұсыну тәртiбi агроөнеркәсiптiк кешендi дамыту саласындағы уәкiлеттi орган бекiтетiн Шағын қалаларда және ауылдық елдi мекендерде кредит беру/микрокредит беру қағидаларында айқындалады.

Ауылдық елдi мекендерде және шағын қалаларда бизнес-жобаларды iске асыратын немесе iске асыруды жоспарлайтын Бағдарламаға қатысушылар үшiн микрокредит ұсыну тетiгi:

1) үмiткерлер тiкелей не ӨКП аудандық филиалдары/ауылдық округтер мен елдi мекендердiң әкiмдерi арқылы кәсiпкерлiк қызметке жәрдемдесу шаралары бойынша консультациялар және Бағдарламаға қатысушыларға қойылатын талаптарға сәйкес келуi тұрғысынан тексеруден өту үшiн халықты жұмыспен қамту орталықтарына жүгiнедi;

2) микробизнес ашуды жоспарлайтын кәсiпкерлiк негiздерiне оқыту курстарынан өткендiгi туралы сертификаттары жоқ үмiткерлер және мүдделi үмiткерлер «Бастау Бизнес» жобасына немесе Бағдарламаның бiрiншi бағыты бойынша кәсiпкерлiк негiздерiне оқыту курстарына қатысу үшiн жiберiледi;

3) халықты жұмыспен қамту орталықтарының жолдамалары бойынша және оқыту курстарынан өткендiгi туралы сертификаттары бар (микробизнес ашушылар үшiн мiндеттi) үмiткерлер агроөнеркәсiптiк кешендi дамыту саласындағы уәкiлеттi орган бекiтетiн Шағын қалаларда және ауылдық елдi мекендерде кредит беру/микрокредит беру қағидаларында көзделген құжаттарды қоса бере отырып, микрокредит алуға арналған өтiнiшпен МҚҰ/КС/ «АШҚҚҚ» АҚ-ға жүгiнедi;

4) МҚҰ/КС/ «АШҚҚҚ» АҚ әлеуеттi бизнес-жобаны бағалауды жүргiзедi, микрокредит беру мүмкiндiгi немесе мүмкiн еместiгi туралы қорытынды бередi және шешiм қабылдайды;

5) МҚҰ/КС ай сайын есептi айдан кейiнгi айдың 1-күнiне дейiнгi мерзiмде микрокредит беру ұйымына берiлген микрокредиттер бойынша ақпарат ұсынады. Микрокредит беру ұйымы және «АШҚҚҚ» АҚ ай сайын есептi айдан кейiнгi айдың 3-күнiне дейiнгi мерзiмде ауыл шаруашылығы мәселелерi жөнiндегi жергiлiктi атқарушы органға Микрокредит беру қағидаларында белгiленген нысанға сәйкес берiлген микрокредиттер бойынша ақпарат ұсынады;

6) МҚҰ/КС/«АШҚҚҚ» АҚ микрокредит берген күннен бастап тоқсан күн iшiнде микрокредиттiң мақсатты пайдаланылуына мониторинг жүргiзедi. Микрокредиттердiң мақсатты пайдаланылуы бойынша есеп тоқсан сайын МҚҰ/КС/Микрокредит беру ұйымына есептi кезеңнен кейiнгi айдың 10-күнiне дейiнгi мерзiмде Микрокредит беру қағидаларында белгiленген нысанға сәйкес ұсынылады;

7) микрокредит беру ұйымы мен «АШҚҚҚ» АҚ есептi кезеңнен кейiнгi айдың 20-күнiне дейiнгi мерзiмде тоқсан сайын кәсiпкерлiк және ауыл шаруашылығы мәселелерi жөнiндегi жергiлiктi атқарушы органдарға Микрокредит беру қағидаларында белгiленген нысанға сәйкес микрокредиттердiң мақсатты пайдаланылуы бойынша есеп ұсынады.

Шағын қалалардан басқа қалаларда микрокредит беру тетiгi:

1) үмiткерлер тiкелей не ӨКП аудандық филиалдары/қалалардың және қала құрамындағы аудандардың әкiмдерiне кәсiпкерлiк қызметке жәрдемдесу шаралары бойынша консультациялар және Бағдарламаға қатысушыларға қойылатын талаптарға сәйкес келуi тұрғысынан тексеруден өту үшiн халықты жұмыспен қамту орталықтарына жүгiнедi;

2) мүдделi үмiткерлер кәсiпкерлiк негiздерiне оқыту курстарына қатысу үшiн жiберiледi;

3) халықты жұмыспен қамту орталықтарының жолдамалары бойынша және оқыту курстарынан өткендiгi туралы сертификаттары бар (микробизнес ашушылар үшiн мiндеттi) үмiткерлер МҚҰ/ЕДБ-ға кәсiпкерлiк мәселелерi жөнiндегi уәкiлеттi орган бекiтетiн Қалаларда кредит беру/микрокредит беру қағидаларында көрсетiлген құжаттарды қоса бере отырып, микрокредит алуға өтiнiшпен жүгiнедi;

4) Бағдарламаға қатысушылар жобаның бизнес-жоспарын әзiрлейдi және микрокредит алу үшiн өтiнiшпен ЕДБ/МҚҰ-ға жүгiнедi;

5) ЕДБ/МҚҰ әлеуеттi бизнес-жобаны бағалауды жүргiзедi, микрокредит беру мүмкiндiгi немесе мүмкiн еместiгi туралы қорытынды бередi және шешiм қабылдайды;

6) ЕДБ/МҚҰ ай сайын, есептi айдан кейiнгi айдың 1-күнiне дейiнгi мерзiмде Бағдарлама шеңберiнде берiлген микрокредиттер бойынша микрокредит беру ұйымына ақпарат ұсынады;

7) микрокредит беру ұйымы кәсiпкерлiк мәселелерi жөнiндегi жергiлiктi атқарушы органдарға кәсiпкерлiк мәселелерi жөнiндегi уәкiлеттi орган бекiтетiн Қалаларда кредит беру/микрокредит беру қағидаларында белгiленген нысанға сәйкес ай сайын, есептi айдан кейiнгi айдың 3-күнiне дейiнгi мерзiмде берiлген микрокредиттер бойынша ақпарат ұсынады;

8) микрокредит беру ұйымы берiлген микрокредиттердiң мақсатты пайдаланылуы туралы мониторингтi жүзеге асырады және кәсiпкерлiк мәселелерi жөнiндегi жергiлiктi атқарушы органдарға кәсiпкерлiк мәселелерi жөнiндегi уәкiлеттi орган бекiтетiн Қалаларда кредит беру/микрокредит беру қағидаларында белгiленген нысанға сәйкес микрокредиттер беру және есептi айдан кейiнгi айдың 15-күнiне дейiнгi мерзiмде олардың мақсатты пайдаланылуы туралы тоқсан сайынғы есеп ұсынады.

Қалалардағы және ауылдағы микрокредиттерге кепiлдiк беру

Кепiлдiк МҚҰ/КС/ЕДБ 2017 жылғы 1 қаңтардан бастап:

1) ауылдық елдi мекендерде (олардың әкiмшiлiк бағыныстылығына қарамастан) және шағын қалаларда микробизнес ашуға, жұмыс iстеп тұрған бизнестi кеңейтуге, кооперативтер құруға;

2) қалаларда жаңа микрокәсiпорындар құруға, жұмыс iстеп тұрған бизнестi кеңейтуге берген микрокредиттер бойынша ғана ұсынылады.

Ауылдық елдi мекендерде және шағын қалаларда берiлетiн микрокредиттердi кепiлдендiрудi — «ҚазАгроКепiл» АҚ, қалаларда — «Даму» КДҚ» АҚ жүзеге асырады.

Микрокредиттерге кепiлдiк бергенi үшiн жергiлiктi атқарушы органдардан алынатын комиссиялардың мөлшерi кепiлдiк мөлшерiнен ауылдық елдi мекендерде және шағын қалаларда 30 %-ды, қалаларда — 20 %-ды құрайды.

Бағдарламаға қатысушылар үшiн кепiлдiк ақысыз негiзде ұсынылады.

Кепiлдiктердiң мөлшерi:

1) iсiн жаңа бастаған кәсiпкер үшiн микрокредиттiң сомасынан 85 %-дан аспайды;

2) жұмыс iстеп жүрген кәсiпкер үшiн микрокредит сомасынан 50 %-дан аспайды.

Кепiлдiк берiлуге тиiс микрокредит сомасы сегiз мың АЕК-тен аспайды.

Кепiлдiк жүзеге асырылатын МҚҰ/КС/ЕДБ кредиттерi/микрокредиттерi бойынша сыйақының номиналды мөлшерлемесi 6%-дан аспайды.

Микрокредиттер бойынша iшiнара кепiлдiктi қаржыландыру кәсiпкерлiк және ауыл шаруашылығы мәселелерi жөнiндегi жергiлiктi атқарушы орган мен кепiлгер арасындағы тиiстi шартқа қол қою жолымен жергiлiктi бюджет қаражаты есебiнен жүзеге асырылады. Облыстың бiр әкiмшiлiк аумақтық бiрлiгiнде кәсiпкерлiк және ауыл шаруашылығы мәселелерi жөнiндегi жергiлiктi атқарушы органдар Бағдарлама шеңберiнде екi кепiлгердi тартуына болады.

Бағдарлама шеңберiнде кепiлдiк беру көлемi тиiстi қаржы жылына жасалатын кепiлдiк шарттары бойынша комиссияларды төлеу үшiн бөлiнген бюджет қаражаты шегiнде жүзеге асырылады.

Шығарылған кепiлдiктер үшiн ақы төлеу мақсатында кәсiпкерлiк және ауыл шаруашылығы саласындағы уәкiлеттi органдар келесi жылдың басында микроқаржы ұйымдарының кредиттерiне кепiлдiк беру үшiн комиссияларға бөлiнген нысаналы трансферттер сомасының 50 % кепiлгерлерге аударады. Нысаналы трансферттердiң қалған бөлiгi жылдың басында кепiлгерлерге аударылған қаражаттың бiрiншi жартысы толық игерiлгеннен кейiн кепiлдiк шарттарының жасалуына қарай кепiлгерлерге аударылады.

Кепiлдiк шартының жасалу фактiсi бюджет қаражаты игерiлуiнiң растамасы болып табылады.

Кепiлдiк шығарылған мiндеттемелердiң орындалуын қамтамасыз ету үшiн микрокредиттiң қолданылу мерзiмiне ұсынылады.

Кепiлгер Кепiлдiк беру қағидаларында және/немесе кепiлдiк беру шартында белгiленген жағдайларда кепiлдiк ұсынудан бас тартуға құқылы.

Микрокредиттер бойынша iшiнара кепiлдiк беру тәртiбi мен шарттары агроөнеркәсiптiк кешендi дамыту саласындағы уәкiлеттi орган бекiтетiн Ауылдық жерлерде және шағын қалаларда микроқаржы ұйымдары/кредиттiк серiктестiктер беретiн микрокредиттер бойынша кепiлдiк беру қағидаларында айқындалады.

Қалаларда микрокредиттер бойынша iшiнара кепiлдiк беру тәртiбi мен шарттары кәсiпкерлiк мәселелерi жөнiндегi уәкiлеттi орган бекiтетiн Қалаларда микроқаржы ұйымдары/екiншi деңгейдегi банктер беретiн микрокредиттер бойынша кепiлдiк беру қағидаларында айқындалады.

Микроқаржы ұйымдарының операциялық шығындарын субсидиялау

МҚҰ операциялық шығындарын субсидиялауды ауыл шаруашылығы мәселелерi жөнiндегi жергiлiктi атқарушы органдар жергiлiктi бюджет қаражаты есебiнен жүзеге асырады.

Ауылдық елдi мекендерде және шағын қалаларда берiлген МҚҰ микрокредиттерiн беруге арналған операциялық шығындар субсидиялауға жатады.

МҚҰ субсидия алушылар болып табылады.

Субсидиялар мынадай шарттармен берiледi:

1) субсидия мөлшерi «Аграрлық кредиттiк корпорация» АҚ-дан алынған қорландыру қаражаты есебiнен ауылдық жерлерде және шағын қалаларда МҚҰ берген микрокредиттiң көлемiнен 10 %-ды құрайды;

2) субсидия ауылдық жерлерде және шағын қалаларда микрокредит беру үшiн «Аграрлық кредиттiк корпорация» АҚ МҚҰ-ға ұсынған, оператор растаған қаражатты толық игеру көлемiн субсидиялау бойынша бiр уақытта МҚҰ-ға төленедi;

3) МҚҰ-ға ауылдық жерлерде және шағын қалаларда микрокредит беру үшiн «Аграрлық кредиттiк корпорация» АҚ ұсынған қаражаттың игерiлуiн агроөнеркәсiптiк кешендi дамыту саласындағы уәкiлеттi орган бекiтетiн Микроқаржы ұйымдарының операциялық шығыстарын субсидиялау қағидаларына сәйкес МҚҰ ұсынған құжаттар негiзiнде субсидиялау жөнiндегi оператор растауға тиiс;

4) субсидиялау мақсаты үшiн Бағдарламада көзделген мақсаттарға МҚҰ берген микрокредиттер ғана ескерiледi.

Бұрын берiлген, МҚҰ операциялық шығындарына субсидия алған, икрокредиттерден қайтарылған (негiзгi қарыз бен сыйақыны өтеу бойынша төлемдер) қаражат есебiнен МҚҰ берген микрокредиттердi беруге арналған МҚҰ операциялық шығыстары субсидиялауға жатпайды.

МҚҰ-ның операциялық шығыстарын субсидиялауға арналған қаражатты бөлу туралы шешiмдi облыс әкiмiнiң шешiмiмен құрылатын өңiрлiк комиссия (бұдан әрi — субсидиялау жөнiндегi комиссия) қабылдайды, оның құрамына облыс әкiмiнiң орынбасары — комиссия төрағасы, облыс әкiмдiгi құрылымдық бөлiмшелерiнiң, субсидиялау жөнiндегi операторлардың, ӨКП, қоғамдық ұйымдардың өкiлдерi кiредi. Субсидиялау жөнiндегi комиссия консультациялық-кеңесшi орган болып табылады. Ауыл шаруашылығы мәселелерi жөнiндегi жергiлiктi атқарушы орган субсидиялау жөнiндегi комиссияның жұмыс органы болып табылады.

МҚҰ операциялық шығыстарын субсидиялау тәртiбi мен шарттары агроөнеркәсiптiк кешендi дамыту саласындағы уәкiлеттi орган бекiтетiн Микроқаржы ұйымдарының операциялық шығыстарын субсидиялау қағидаларында регламенттеледi.

Екiншi бағытты iске асыру шеңберiнде

Микрокредит беру жөнiндегi шараларды қаржыландыру кәсiпкерлiк және ауыл шаруашылығы мәселелерi жөнiндегi жергiлiктi атқарушы органдары арқылы республикалық бюджет және жергiлiктi бюджет қаражаты есебiнен жүзеге асырылады.

Берiлген микрокредиттер туралы есептi микрокредит беру ұйымдары мен «АШҚҚҚ» АҚ кәсiпкерлiк және ауыл шаруашылығы мәселелерi жөнiндегi жергiлiктi органдарға ай сайын, есептi айдан кейiнгi айдың 3-күнiне дейiнгi мерзiмде ұсынады.

Кәсiпкерлiк және ауыл шаруашылығы мәселелерi жөнiндегi жергiлiктi атқарушы органдар микрокредит беру жөнiндегi ұйымдардың есептерi негiзiнде ай сайын, есептi айдан кейiнгi айдың 5-күнiне дейiнгi мерзiмде халықты жұмыспен қамту орталықтарына және Бағдарламаның операторына:

1) «Бастау Бизнес» жобасының iске асырылуы;

2) кепiлдiк беру және субсидиялауды есепке ала отырып, ауылда микрокредит беру барысы;

3) кепiлдiк берудi есепке ала отырып қалаларда микрокредит беру барысы;

4) құрылатын жұмыс орындары туралы ақпаратты ұсынады.

Бағдарлама операторы жергiлiктi атқарушы органдардан алынған ақпараттың негiзiнде ай сайын, есептi айдан кейiнгi айдың 10-күнiне дейiнгi мерзiмде халықты жұмыспен қамту саласындағы уәкiлеттi органға ақпарат ұсынады.

Парақтағы соңғы өзгерістер:: 03.04.2017 12:30
Модернизация 3.0 Модернизация 3.0 Модернизация 3.0 Модернизация 3.0
 
@2017 «Ақмола облысының кәсіпкерлік және өнеркәсіп басқармасы» ММ
Яндекс.Метрика

Телефон:

Электрондық пошта адресі:

8 (7162) 24-00-00;

depprom@bk.ru

LANG_OGU 8 (7162) 24-00-30, 24-00-15